Cumintzat oi una cida istorica po sa vela sarda e italiana. S’America’s Cup arribat in Sardigna cun sa Preliminary Regatta de sa Louis Vuitton 38a America’s Cup, ca de giobia 21 a dominigu 24 de maju at a ponni Casteddu in su centru de s’atentzioni mondiali de sa vela.
Custa at a essiri una gara a puntus, 10 a su primu, 9 a su secundu etc fintzas a is tre puntus po chini arribat urtimu. Apustis de 8 regatas su primu e su secundu team s’ant a sfidai dominigu po sa vitoria finali.
Ci ant a essiri is bincidoris de s’urtima editzioni, Emirates Team New Zealand, su Challenger of Record GB1, Luna Rossa, Tudor Team Alinghi e su La Roche-Posay Racing Team.
Totus podint garegiai cun duus AC40, sa versioni de sa barca prus pitica e uguali po totus pensada po piciocus, feminas e po cumpetitzionis cumenti custa de Casteddu.
S’annu chi benit in Napoli s’ant a sfidai cun sas AC75. Custas funt meda prus mannas, 23 metrus contra is 12 de sas AC40 (75 peis is primas, 40 is secundas), tenint su dopiu de s’ecuipagiu (8 contra 4) e funt alimentadas cun sa fortza idraulica de is “ciclistas”, ca depint pròpriu pedalai. In sas AC40 ci funt baterias.
In Casteddu dogna scuadra podit garegiai cun s’AC40 de s’equipagiu uficiali prus un’atru cun piciocus e feminas. Chini at a binci?
