Michele Atzoni, alias Su Dotori ma connotu puru cumenti Dr. Drer de sa truma CRC, at cuncordau unu discu nou de solista, Fogu.
Una faina ca si ponit in lìnea cun s’anima de protesta, cumenti est claru in sa cantzoni Anticolonialista, po ndi citai una.
Su discu tenit 8 cantzonis sempiri sighendi unu stile intre rap, raggamuffin e dub.
Atra iscera de importu est cussa de scriri e cantai totu in sardu, in parti po sa traditzioni ma puru cumenti signali de protesta contra una sotzietadi ca olit omologai totu e contra unu governu italianu ca pensat a sa Sardigna sceti po nci ponni presonis e aliga.
