Su Sassuolo est acanta de sa salvesa matemàtica, su Casteddu arribat de tres derrotàs e depit fai puntus. Prus de 1.500 tifosus funt arribaus po suportai sa scuadra.
Sa partida. Su Casteddu partit beni e a su 3′ Gaetano tirat una punitzioni, sa bòcia arribat a Adopo ca dda sparat centrali.
Su Sassuolo giocat cun órdini ma su Casteddu est prus incisivu. A su 15′ occasioni puru po Esposito, torra conclusioni centrali.
Su Casteddu sighit a curri a manca e dereta, a su 26′ Esposito dda pigat a centru àrea, Idzes dda bogat cun sa manu e a pustis de sa revisioni Var s’arbitru donat su rigori. De su dischetu Esposito tirat a sa dereta de su portieri, Muric atuadat ma no arribàt, 0-1.
A su 33′ Balestra s’involat fintza aintru de s’area, podit tirai ma dda passat e sa difesa dda pigat, peccau.
Su Sassuolo est sempri biu e nci provat fintzàt a sa fini de su primu tempu, su Casteddu apoderat.
In sa ripresa su Sassuolo partit prus cunvintu e a pustis de 5′ aciapat su pari cun unu tiru de tesu de Garcia a pustis de unu corner, Caprile castiat sceti.
Sa scuadra de Fabio Grosso parit controllai sa partida ma a su 65′ est de segnalai una bella ocasioni po su Casteddu: Palestra ponit unu cross perfetu a centru area po Deiola ca dda pigat de conca ma dda sbagliat.
Is corus de is tifosus sardus si intendint forti, est cumenti giogai in domu, ma no bastat.
A su 78′ Pinamonti si girat beni in area e ribaltat su risultau, 2-1.
Su Casteddu no si ndi scidat, po pagu no pigat puru su de tres gol ma tenit puru sa possibilitadi de imparesai e dda fùiat: a su 94′ Muric perdit sa presa de sa bòcia, Obert est solu acanta a sa porta e tirat àltu.
Sa crisi immoi est profunda.
Tabellinu
Sassuolo (4-2-3-1): Muric; Walukiewicz, Romagna (dal 13’ st Coulibaly), Idzes, Garcia; Koné (dal 24’ st Lipani), Thorsvedt; Berardi, Volpato (dal 13’ st Matic), Laurienté (dal 24’ st Bakola); Pinamonti (dal 37’ st Nzola). All. Grosso. A disp. Turati, Zacchi, Satalino, Muharemovic, Felipe, Doig, Iannoni, Fadera, Vranckx, Moro
Casteddu (3-5-2): Caprile; Ze Pedro (dal 38’ st Kilicsoy), Mina, Rodriguez; Palestra, Adopo (dal 45’ st Zappa), Gaetano (dal 30’ st Sulemana), Deiola, Obert; Folorunsho (dal 30’ st Borrelli), Esposito (dal 45’ st Mendy). All. Pisacane. A disp. Albarracin, Raterink, Sherri, Ciocci, Mazzitelli, Liteta, Belotti.
Árbitru: Chiffi
Marcatoris: 30’ rig. Esposito (C), 50’ Garcia (S), 78’ Pinamonti (S).
Amonius: Pinamonti (S).
Bogaus:
