Giobia 21 de maju at a cumintzai sa Preliminary Regatta, una manifestazioni de importu mannu ca ant a sighiri in totu su mundu. Ma sa genti de innoi cumenti podit fai a dda castiai?
Est facili. Sa prima possibilidadi est andai a su Race Village in via Roma, ca est gratis. Ingui ant a fai is presentadas de is scuadras e atras atividadis. Ogna die s’organizazioni at a lassai una barca po dda fait a biri a sa genti, prima de is garas e puru apustis. Ci ant a essiri puru televisionis mannas po sighiri is garas. Oberridi a mesudì.
In prus chini olit biri beni sa gara podit andai in sa FanZone Lazzaretto. Ingui ci ant a essiri puru atras atividades de sa FIV, Federazione Italiana Vela, cumenti sa Foil Academy de Alessandra Sensini e sa Para Sailing Academy po is personas cun disabiltadi. Ci ant a essiri puru televisionis mannas e logu po pappai. Custa puru oberridi a mesudì.
