Sa Preliminary Regatta at a essiri diaderus una bella sfida. Is campionis de New Zealand ant pèrdiu Peter Burling, po totus su prus forti, ma de sempri fait bessiri giovunus unu mellus de s’atru. Ant bintu s’urtimas tres editzionis e olint sa de cuatru po intrai in sa istoria de su sport.
Luna Rossa si presentat cun una scuadra refortzada cun s’arribbu propriu de Burling, ca at a portai sa cualidadi generali a su livellu prus artu de sempri. In pari cun issu c’est sempri Ruggero Tita, campioni olimpicu, e ci funt puru Marco Gradoni e Margherita Porro, campionis in s’urtima America’s Cup rispetivamenti intra is giovunus e is feminas.
In sa prima fila perou c’est sempri puru GB1, sa scuadra ingresa ca at bintu s’urtima Luis Vuitton Cup propriu contra Luna Rossa in una sfida memorabili. In sa scuadra ci funt campionis olimpicus cumenti Dylan Fletcher o sa pluricampiona olimpica Hannah Mills.
E is atrus, ant a castiai? Difìcili. Is francesus de su Roche-Posay Racing Team ant pigau duus ispagnolus campionis olimpicus issus puru, Diego Botín e Florian Trittel e point essiri sa sorpresa de custas dies.
A sa fini, cumenti si cumprendit, su livellu est su prus artu posibili e at a essiri unu spetaculu sensazionali po tutus su chi sighint su mari e sa vela.
