Custu mengianu in sa Manifattura cunferentza stampa uficiali de apertura de sa Preliminary Regatta, cun sa presentzia de tutus is totus is rapresentantis de is scuadras. In generali funt totus cuntentus meda de essiri in Sardigna e no binti s’ora de garegiai.
At cumintzau Nathan Outteridge, skipper de New Zealand: «Est una gradu ocasioni po nosus, depeus difendi su trofeu nostru e s’orgogliu puru cun custus AC40».
In sa pròpriu linea Dylan Fletcher, skipper de GB1: «Po nosus est sa primu borta innoi e cun is AC40. Seus fadendi beni, seu prexiaus meda, ariseu eus biu ca is atrus funt fortis, bellu aici».
Sighit Peter Burling, campioni de Luna Rossa: «No bieus s’ora, apu acatau una scuadra giai meda forti e mi parid una familia. »
Paul Goodison, de Tudor Alinghi: «Nosu puru teneus una bella sensatzioni, teneus aspetus de cuncordai ma su clima in sa scuadra est bonu. Est una ocasioni manna»
Quentin Delapierre, de La Roche-Posay: «Seus una scuadra noa ma seus migliorendi in pressi, ci funt campionis e giovunus forti».
Erica Dawson, de su team New Zealand, sa legendaria Hannah Mills, de s’Athena Patway e su giovunu talentu de Luna Rossa, Marco Gradoni, narant in coru ca est una grandu ocasioni ma narant puru ca no timint is ominis mannus, ca funt prontus e prontas. Grandoni: «Teneus presioni, est beridadi, ma mi parit ca ndi tenint prus issus. Casteddu at a tifai po nosus? Esti unu onori».
