Su Napoli sighit sa marcia sua bincendi contra a unu Casteddu volenterosu ma pagu incisivu.
Su 0-1 finali portat sa firma de Scott McTominay e immoi sa scuadra de Antonio Conte est a -6 de sa capolista Inter.
Sa partida. A pustis de unu minutu, sighendi una mischia in area, Buongiorno at pigau su palu ma sùbitu McTominay at pigau sa bòcia e dda’t scùdia in gol.
Su Casteddu at provau a dda adritzai a pustis de binti minudus cun Sebastiano Esposito, torrau oi de sa scualifica, ma su tentativu suu fiat imprecisu.
Su Napoli est stetiu bonu a controllai e a sfiorai su secundu gol in una pariga de ocasionis cun McTominay e De Bruyne.
In su secundu tempu sa istoria no est cambiada, su Napoli at controllau e su Casteddu at provau a dda pareggiai ma senz’e precisioni. Su portieri Caprile inveci est stètiu bravissimu con De Bruyne e Politano.
In su finali su Casteddu at provau unu pressing disperau e a su 93′ Spinazzola at salvau su Napoli boghendi a foras unu cross basciu de Mina,
Con custa vitòria su Napoli atziada a 62 puntus, pressendi s’Inter e su Milan. Po su Casteddu est sa de tres sconfitas in tres partidas e abarrat firmu a 30 puntus, sceti tres puntus in prus de sa terz’ùltima.
Tabellino
Marcatore: 2′ McTominay (N)
CAGLIARI (3-5-1-1): Caprile; Zé Pedro (73′ Mendy), Mina, Dossena; Palestra, Adopo (73′ Deiola), Gaetano, Sulemana, Rodriguez (84′ Raterink); Folorunsho (65′ Kilicsoy); Esposito (84′ Trepy). All. Pisacane
NAPOLI (3-4-2-1): Milinkovic-Savic; Beukema, Buongiorno, Olivera (84′ Juan Jesus); Politano (77′ Spinazzola), Gilmour (77′ Anguissa), Lobotka (55′ Alisson Santos), Gutierrez; De Bruyne, McTominay; Hojlund. All. Conte
Arbitro: Massa di Imperia.
Ammoniti: Mina (C), Sulemana (C), Lobotka (N), Beukema (N).
