ᴅᴇ ɴᴏ ᴄʀᴇɪ! ᴀᴘᴜꜱᴛɪꜱ ᴅᴇ 𝟤𝟫 ᴀɴɴᴜꜱ, ꜱᴜ ᴄᴀꜱᴛᴇᴅᴅᴜ ʙɪɴᴄɪᴛ ᴀ ꜱᴀɴ ꜱɪʀᴏ ᴘᴏ 𝟣-𝟤. ꜱ’ᴜʀᴛɪᴍᴀ ʙᴏʀᴛᴀ ꜰɪᴀᴛ ɪɴ ꜱᴜ 𝟣𝟫𝟫𝟩, 𝟣-𝟢 ɢᴏʟ ᴅᴇ ᴍᴜᴢᴢɪ, ᴄᴀᴍᴘɪᴏɴᴀᴜ ᴄᴀ ᴛᴏᴛᴜꜱ ɪꜱ ᴛɪꜰᴏꜱᴜꜱ ᴄᴏɴɴᴏꜱᴄɪɴᴛ ʙᴇɴɪ. ᴍᴀ ᴏɪ ꜱᴀ ᴍᴜꜱɪᴄᴀ ᴇꜱᴛ ᴜɴ’ᴀᴛʀᴀ, ᴄᴜɴ 𝟦𝟥 ᴘᴜɴᴛᴜꜱ ꜱɪ ꜰᴇꜱᴛᴀᴛ ᴇ ꜱɪ ꜰᴀɪᴛ ᴜɴᴜ ᴘʀᴀxᴇʀɪ ᴀ ꜱᴜ ᴄᴏᴍᴏ, ᴄᴀ ᴀɴᴅᴀᴛ ɪɴ ꜱᴀ ᴄʜᴀᴍᴘɪᴏɴꜱ ʟᴇᴀɢᴜᴇ ᴘᴏ ꜱᴀ ᴘʀɪᴍᴀ ʙᴏʀᴛᴀ.
Su Casteddu no tenit prus nudha de domandai a su campionau, su Milan est giochendi-si sa unu logu po sa Champions League e depit binci a marolla ma is cosas no andant de aici. Su Milan segnat sùbitu cun Saelemaekers ma Borrelli prima e Rodriguez in su secundu tempu portant is tres puntus a in Sardigna. Su Casteddu serrat su campionau cun 43 puntus. Atrus annus!
Sa partida. Duus minutus e arribat su primu gol. Gimenez ponit in mesu de prima po Saelemaekers, ca arribat currendi e dda ponit aintru, 1-0.
Parit su cumintzu de una partida de scaresci ma no est de aici. Su Casteddu atziat sa conca e a su de 19′ Gaetano de sa lacana de s’area fait partiri unu bellu tiru a giru ma Maignan est bravu meda e ci arribat. In su corner ca sighit perou Mina de conca dda donat a Borrelli ca de duus metrus no sbagliat e fait 1-1.
Su Milan tenit s’initziativa ma sa partida est bia e su Casteddu prus de una borta arribat in s’area milanista.
In su secundu tempu su Milan circat de atziai sa presioni ma su Casteddu no sceti apoderat ma ndi fait una brulla.
A su de 57′ Borrelli ponit in mesu apustis de una punitzioni de sa parti manca e Rodriguez est lestru a dda scudi aintru, 1-2 e partida acapotada.
Su Milan pressat ma su Casteddu si serrat e torrat a partiri cumenti a su de 73′, candu Maignan parat prima su tiru de Borrelli e sùbitu apustis puru su tiru de Zappa.
Su Milan olit su parègiu ma sbàgliat meda. A su de 73′ Rabiot nci provat cun una sforbiciada ma a a su de 76′ Maignan parat ancora prima su tiru de Adopo e apustis unu bòlide de Gaetano de sa làcana de s’area.
A su de 86′ Mendy partit de sa mitadi de campu cun sa bòcia, arribat asolu ananti a Maignan e dda sbaglait. A su de 92′ e a su de 95′ nci provant puru Esposito e Palestra de sa làcana de s’area, tirus fortis ma unu pagu artu.
Su Milan circat su paregiu in dogna manera fintzas a sa fini ma su risultau no cambiat.
A su de 97′, duus minutus in prus de is cincus donaus, s’arbitru narat ca su campionau est spaciau. Atrus annus!
TABELLINU
Milan: Maignan; Tomori (62′ Athekame), Gabbia, Pavlovic; Saelemaekers, Fofana (68′ Leao), Jashari (62′ Modric), Rabiot, Bartesaghi; Gimenez (46′ Pulisic), Nkunku (62′ Fullkrug). All. Allegri.
Casteddu: Caprile; Zappa, Mina, Zé Pedro (63′ Palestra), Obert; Rodriguez (63′ Dossena), Adopo, Gaetano, Deiola (74′ Sulemana); Palestra, Borrelli (74′ Mendy), Se. Esposito (90′ +5 Felici). All. Pisacane.
Marcadoris: 2′ Saelemaekers (M), 20′ Borrelli (C), 57′ Rodriguez (C)
Arbitru: Guida
Amm.: Zé Pedro (C), Pavlovic (M), Maignan (M), Sulemana (C)
