Oi cumintzat sa stagioni noa po su Casteddu de Fabio Pisacane.
A pustis de un’annu acabbau a 43 puntus sa truma sarda est pronta po torrai a curri.
Sa scuadra no at a essiri sa pròpria, intre arribbus e essidas funt 31 is giocadoris cunvocaus. Ci ant a essiri intre s’atrus Demi Akarakiri e Alessandro Romano, arribbaus immui, Belotti, cunfirmau po un’atru annu, ma no Gaetano, bendiu a s’Atalanta po 12 millionis.
Sa scuadra at a abarrai in Sardigna po custa cida, a pustis at a fai preparatzioni a Ponte di Legno in Val Camonica, de su 22 de argiolas a su 1 de agustu.
Sabadu 8 de agustu in Casteddu partida contra su Nizza po su “Trofeo Gigi Riva”. Su 14 de agustu sa prima partida ufitziali in Coppa Italia e su 22 prima de campionau a Parma.
