Grandu prova de su Casteddu contra s’Atalanta, bincit po 3-2 e pigat tres puntus ca olit nai unu passu mannu po sa cunfirma in sa Serie A. Dus gol de Mendy e unu Borrelli po su Casteddu, dus de Scamacca po s’Atalanta.
Sa partida. Pisacane lassat a foras Palestra e ananti ponit titolari Mendy, 19 annus. Prontus via e su Casteddu segnat. Adopo ponit sa bocia in àrea, arribat propriu Mendy ca de conca no sbagliat, 1-0. No parit beru, passant 6′ e a pustis de una mìschia in àrea Deiola ci provat, parada bella meda de Carnesecchi ma Mendy, ancora issu, est ingui e dda scudit aintru, 2-0.
A su de 29′ Mendy donat in profundhidadi una bòcia maravigliosa po Adopo ca asolu in àerea dda perdimentat. Esposito puru, unu pagu a pustis, tirat mabi de positzioni bona.
A su de 40′ sa difesa casteddaja si dromit e Scamacca dda podit piatzai a giru in su secudu palu, 2-1. Su Casteddu si perdit e a su de 44′ un’atra borta Scamacca, serviu de sa dereta in su tzentru de s’àrea, dda piatzat e fait 2-2.
In su finali de tempu Mendy est aterrau in àrea ma po s’arbitru no est nudha.
In su secundu tempu un’atra aviada a coetu. Folorunsho arribat in area cun sa bòcia, sa difesa firmat su tiru ma Borrelli est lestru e de una pariga de metrus no sbagliat, 3-2.
Sa partida est bia, c’est meda logu e s’arribat de una parti a s’atra in unu nudha. Su Casteddu nci provat cun Adopo e Sulemana ma s’Atalanta a pagu a pagu atziat sa presioni.
A su de 78′ Belotti si papat sa mellu ocasioni de sa partida, solu anati de su portieri provat a ddu saltai ma sbagliat.
S’Atalanta olit su pari e nci provat a su de 80′ cun Krstovic ca asolu in s’area tirat beni ma Caprile narat ca nou cun una parada strepitosa. A su de 89′ Scamacca nci provat de conca e torra Caprile narat ca nou.
In su finali c’est sceti s’Atalanta ma su Casteddu si serrat beni e a pustis de 6′ de recuperu podit festai. Grandu partida de Mendy ma de signai puru sa de Adopo e pruschetotu sa de Gaetano, ca fortzis oi fiat su mellus in campu.
CASTEDDU: Caprile; Zé Pedro, Mina (56′ c), Juan Rodriguez (73′ Dossena); Obert, Deiola (56′ Sulemana), Gianluca Gaetano, Adopo, Folorunsho, Esposito (56′ Palestra), P. Mendy (45′ Borrelli, 77′ Belotti). All.: Pisacane.
ATALANTA: Carnesecchi; Scalvini, Djimsiti, Kolasinac (73′ Kossounou); Bellanova (56′ Krstovic), de Roon (73′ Éderson), Pasalic, Zappacosta (56′ Zalewski); De Ketelaere (77′ Samardzic), Raspadori; Scamacca. All.: Palladino.
ARBITRU: Juan Luca Sacchi.
MARCATORIS: 1′, 8′ P. Mendy, 40′, 45′ Scamacca, 47′ Borrelli.
ASSIST: 1′ Adopo, 45′ Scalvini.
